لە غەززە لە ٢٤ کاتژمێری ڕابردوودا ١٨ کەس بەهۆی برسێتی گیانیان لەدەستداوە
13 oC
13 oC
Güneşli
13 oC
Güneşli
لە غەززە لە ماوەی ٢٤ کاتژمێری ڕابردوودا ١٨ کەس بەهۆی برسێتی و بەدخۆراکی گیانیان لەدەستداوە.
هێرش و گەمارۆدانی رژێمی داگیرکەر بۆ سەر ناوچەکە قەیرانی مرۆیی ئێستا توندتر و درێژتر دەکات.
بە پێی ڕاگەیەندراوی ئاژانسی فەرمی فەلەستین وەفا، سەرچاوە تەندروستییەکان ئاماژە بەوە دەکەن کە ڕۆژانە سەدان حاڵەتی برسێتی لە نەخۆشخانەکانی غەززە تۆماڕ دەکرێن.
نیشانە جددیەکانی وەک ماندوێتی و کەمی وزە لە هەندێک حاڵەتدا بەدی دەکرێت. جگە لەوەش بەهۆی کەمی شوێن و کەرەستەی پزیشکییەوە خزمەتگوزارییە تەندروستییەکان نزیکە لە وەستان.
سەرچاوە هەرێمییەکان باس لەوە دەکەن کە لە ماوەی ٢٤ کاتژمێری ڕابردوودا ١٨ کەس بەهۆی برسێتی گیانیان لەدەستداوە و کۆی گشتی ئەو کەسانەی بەهۆی برسێتیەوە گیانیان لەدەستداوە بۆ ٨٦ کەس بەرزبووەتەوە کە ٧٦ کەسیان منداڵن.
ئاماژە بەوەشکراوە، ١٧ هەزار منداڵ بەتایبەتی لە باکوری غەززە بەهۆی بەدخۆراکییەوە هەوڵ بۆ ژیانی خۆیان دەکەن و لانیکەم ٨٠٠ منداڵیش مەترسی مردنیان لەسەرە.
بەرپرسانی نەخۆشخانەی ئەلشیفا ڕایانگەیاندووە، ئەم دۆخە هێشتا بەردەوامە و ڕەنگە ژمارەی شەهیدان زیاتر بێت.
هەروەها UNWRA هۆشداریدا لەوەی منداڵانی خوار تەمەنی ٥ ساڵ مەترسی زیاتریان لەسەرە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئییل زەمیر بەناو سەرۆک ئەرکانی گشتی رژێمی سەهیۆنی، دانی بەوەدانا کە شەڕی غەززە یەکێک لە ئاڵۆزترین شەڕەکانی سوپای داگیرکەر بوو.
کەتائیبی قەسام لقی سەربازی بزووتنەوەی حەماس ڕایگەیاند، لە باشووری ڕۆژهەڵاتی دەیر بەلاح زرێپۆشێکی سەربازیی سەر بە هێزەکانی داگیرکەریان بە مووشەکی یاسین ١٠٥ کردۆتە ئامانج. لە هەمان ناوچە شەڕی توند بەردەوامە.
ئاژانسی هاوکاری بۆ پەنابەرانی فەلەستینی سەر نەتەوە یەکگرتووەکان (ئونروا) راگەیاند، لە مانگی ئایارەوە لە غەززە هەزار کەس لە کاتی گەڕان بە دوای هاوکاری خۆراک بەهۆی برسێتی گیانیان لەدەستداوە.
شێخ حەسەن بن عەلی کەتانی سەرۆکی یەکێتی زانایانی مەغریب لەبارەی راگەیەندراوی ئەبو عوبەیدە وتەبێژی کەتائیبی قەسام وتی، "ئەم راگەیەندراوە دڵەکەمانی پارچە پارچە کرد. جارێکی دیکە وەبیری هێنایەوە کە ستەم و تەنها لە غەززە لە چ ئاستێکدایە."
